Кафедра 1999-жылы негизделген (абитуриенттер үчүн буклет).
"Кыймылдын коопсуздугу жана уюштуруу" жана "Унаада ташууларды уюштуруу жана башкаруу" билим берүү программаларынын тарыхы. 1995-жылы биринчи жолку "Жол кыймылын башкаруу" (ЖКУ) адистигине бакалавриат системасы боюнча кабыл алуу жүргүзүлүп 1999-жылы ийгиликтүү аякташкан. Ал эми 1996-жылдан ("Кыймылдын коопсуздугу жана уюштуруу" адистигине кошумча 2001-жылы "Унаада ташууларды уюштуруу жана башкаруу" (УТУБ) адистиги боюнча окутуу башталды) 2014-жылга чейин "ЖКУ" жана "УТУБ" адистиктери инженерлер даярдалып келген.

2014-жылдан ушул күнгө чейин кафедра 670300-Транспорттук процесстердин технологиясы багыты боюнча "Кыймылдын коопсуздугу жана уюштуруу", "Унаада ташууларды уюштуруу жана башкаруу" билим берүү программалары боюнча бакалаврларды даярдап келет.

Бүтүрүүчүлөр Патрулдук милицияда, ички иштер бөлүмдөрүндө, республикалык жана эл аралык маанидеги автотранспорт ишканаларында (автобекеттер, жүк жана жүргүнчү ташуучу автотранспорт мекемелери, ж.б.) иштей алышат; административдик практиканын инспектору; эксперт авто техник; транспорттук текшерүү тутумунда; Кыргыз Республикасынын Транспорт жана жолдор министрлигинин түзүмдүк бөлүктөрүндө; автотранспорт ишканаларынын жол кыймылынын коопсуздугу кызматтарында; жолдорду эксплуатациялоо бөлүмдөрүндө; окуу жайларында, илим-изилдөө жана долбоорлоо институттарында; транспорттук агенттиктерде, бөлүмдөрдө ж.б.

Кафедранын миссиясы - келечектеги адистерге сапаттуу билим берүү жана Кыргызстандын гана эмес, биздин республиканын чегинен тышкары дагы эмгек рыногунда атаандаштыкка жөндөмдүү адис болуу мүмкүнчүлүгүн берүү.
670300 - Транспорттук процесстердин технологиясы (бакалавр):
- Кыймылдын коопсуздугу жана уюштуруу:
- Унаада ташууларды уюштуруу жана башкаруу;
Окутуунун максаты жана жыйынтыктары (магистратура 2017)
670300 Транспорттук процесстердин технологиясы
Магистердик программа: «Кыймылдын коопсуздугу жана уюштуруу»
Магистердик программа: «Унаада ташууларды уюштуруу жана башкаруу»
Учурда кафедранын негизги илимий багыттары аныкталган жана негизделген, тактап айтканда:
- бийик тоолуу автомагистралдарды оңдоо, тутуу жана куруу үчүн көп тармактуу механизация каражаттарын иштеп чыгуу жана түзүү;
- бийик тоолуу шарттарды эске алуу менен Бишкек шаарында жана Кыргыз Республикасынын аймактарында жол кыймылын уюштурууну өркүндөтүү;
- жол тармагынын участокторунун өткөрүмдүүлүгүн жогорулатуу мүмкүнчүлүгү.
Илимий изилдөөлөрдү ишке ашырууда илимий жетекчинин компетенттүүлүгү, кафедранын алдыңкы ЖОЖдор менен, өндүрүш менен байланышы маанилүү ролду ойнойт. Кафедранын профессордук-окутуучулар курамы ар кандай илимий-практткалык конференцияларга дайыма активдүү катышышат.
Кафедранын негизги илимий багыттарына ылайык, илимий-изилдөө иштери мамлекеттик бюджеттин каржылоосу менен жүргүзүлөт, алардын илимий жетекчилери биздин кызматкерлер. Мисалы үчүн, т.и.к., проф. К.Исаковдун жетекчилиги астында жана кафедранын башка алдыңкы кызматкерлери доц. Стасенко Л. Н., т.и.к., доц. Матисаков А. Ж., т.и.к., доц. Сурапов А.К., т.и.к., доц. Алтыбаев А.Ш., ага окутуучулар Рысбеков А.Ш., Бейшеналиев А.А., Чопоев А. Б. катышуусу менен мамлекеттик бюджеттен каржыланган илимий-изилдөө иштери жана уюмдардын жана ишканалардын бюджетинен каржылануучу келишимдик жумуштар төмөнкү темалар боюнча жүргүзүлөт: "Бийик тоолуу жолдордо иштин натыйжалуулугун жогорулатуу үчүн металл конструкцияларына динамикалык күчтөрдүн таасир этүүсүн эске алуу менен бульдозер-жүктөгүчтү иштеп чыгуу жана түзүү", "Автомобиль транспортунун Бишкек шаарынын аба бассейнине тийгизген зыяндуу таасирин азайтуу боюнча уюштуруу-техникалык иш-чараларды иштеп чыгуу"," Бийик тоолуу жолдорду жаратылыш кубулуштарынын таасиринен сактоо жана коргоо жолдору".

Кафедрада профессордук-окутуучулук курамдын мотивациялуу, чыгармачыл иштеши жана илимий-методикалык мүмкүнчүлүктөрүн ишке ашыруу үчүн толук шарттар түзүлгөн. Т.и.к, доц. Нурманбетов Н.Р., ага окутуучулар Ткачева Б.Т., Арыкбаев К.Б., Бирисманов Э.Ж. сыяктуу кызматкерлерден турган жамаат "Шаардык жүргүнчүлөрдү ташуу маршруттарын оптималдаштыруу жана маршруттук таксилердин жүргүнчүлөрдү ташуу изилдөө" темасында илимий-изилдөө иштерин жүргүзүшөт. Студенттер түздөн-түз ишканаларда өндүрүштүк практикалардан өтүшөт, бул келечекте өз ишинин жогорку квалификациялуу адиси катары сапаттуу билим алуусуна кыйла натыйжа берет.

Кафедранын окуу-лабораториялык базасы "Жол кыймылын уюштуруунун техникалык каражаттары", "Жүк ташуу", "Жүргүнчүлөрдү ташуу" жана "Экспедитордук кызмат көрсөтүүнүн негиздери" боюнча 3 адистештирилген кабинеттен турат.

Аткарылган иштин жыйынтыгы боюнча кафедранын кызматкерлери илимий-практикалык конференцияларга, көргөзмөлөргө, сынактарга докладдар менен катышышат. Кызматкерлер Кыргыз Республикасынын 20га жакын патентин, Евразия патенттик бюросунун 3 патентин (К. Исаков, А. Ш. Алтыбаев, Бейшеналиев А.А., Арыкбаев К.Б.), Россия Федерациясынын 1 патенти (Джылкичиев А.И., Арыкбаев К.Б. жана башкалар) алышкан. 2014-жылы ага окутуучу. Алтыбаев А.Ш. Россия Федерациясынын Уфа шаарында өткөн ШКУ өлкөлөрүнүн арасындагы 84 долбоордун арасынан "Мыкты инновациялык долбоор" номинациясында сынактын жеңүүчүсү болду. 2015-жылдын ноябрь айында Кыргыз Республикасынын Өкмөтүнө караштуу Интеллектуалдык менчик жана инновациялар мамлекеттик кызматынын алдындагы Мамлекеттик интеллектуалдык менчик фонду тарабынан уюштурулган “Идеялардын жарманкесинде” доц. м.а. Бейшеналиев А.А. 2-орунду ээледи, т.и.д., доц. м.а. Дүйшебаев С.С. Кыргызпатенттин Ардак грамотасы менен сыйланды.

Кафедранын келечектүү илимий багыттарынын бири, Бишкек шаарында жана жалпы эле Кыргыз Республикасында жол коопсуздугун жогорулатуудан тышкары, бийик тоолуу жолдордо жана түздүктүү райондордогу жолдордо, ошондой эле айыл жерлеринде жана ири калктуу конуштардын көчөлөрүндө жол кыймылын жакшыртуу жана коопсуздугун камсыз кылуу үчүн трансформациялануучу жумушчу жабдуулары бар көп максаттуу механизация шаймандарын иштеп чыгуу жана түзүү. Учурдагы иштелип чыккан конструкцияларга жүргүзүлгөн талдоолордун жыйынтыгына таянсак, жол куруучу машиналарды жана жабдууларды иштеп чыгууда "трансформациялануучу көп максаттуу жумушчу жабдыгы" аттуу жаңы багыттын негиздери түптөлгөн деп айтууга болот, жана илимий-объективдүү аныктама берилген: Трансформациялануучу жумушчу жабдыгы - бул жумушчу жабдуулар, иштөөчү жабдыктардын бир түрүнөн экинчисине жумушчу органдарын иштетүү жолу менен которуу жана которулуу мүмкүнчүлүгүнө ээ, ал эми трансформацияланган жумушчу орган жана алардын механизмдери иштеп жаткан жумушчу органдын тирөөч-бекитүүчү механизмдери болуп саналат.

Жогоруда айтылгандар менен катар кафедранын кызматкерлери Бишкек шаарынын жол кыймылын уюштуруу жана коопсуздугун жогорулатуу боюнча илимий-изилдөө иштерин активдүү жүргүзүп жатышат, атап айтканда, Бишкек шаарынын мэриясы жана Башкы архитектура, КР ЖККУББ жана Бишкек шаарынын ШИИБ ЖККУБ, ошондой эле ИИМдин Жол кайгуул кызматы менен биргеликте Бишкек шаарында жол кыймылынын коопсуздугун жогорулатуу боюнча активдүү иш алып барышууда. Биргелешкен иштин жыйынтыгы боюнча көптөгөн сунуштар айтылып, практикалык колдонууга киргизилди.

Учурда кафедранын кызматкерлери төмөнкү багыттар боюнча илимий-изилдөө иштерин жүргүзүп жатышат: "Бишкек шаарынын айланасындагы айланма жолду негиздөө жана уюштуруу", "Унаалардын интенсивдүүлүгүн жана кесилиштер ортосундагы аралыктын узактыгын эске алуу менен светофорлордун иштөө режимдерин негиздөө", "Чоң Чүй Каналы жана темир жол сыяктуу жасалма тосмолор аркылуу кошумча өтмөктөрдү негиздөө» жана «Негизги көчөлөрдөгү транспорт агымдарын кайрадан бөлүштүрүү үчүн альтернативдик көчөлөрдү пайдалануунун натыйжалуулугун негиздөө».
Кафедранын кызматкерлери жана илимпоздору эл аралык уюмдар тарабынан каржыланган ар кандай долбоорлордун үстүндө иштеп жатышат (АРИСтин "Атайын техниканы техникалык тейлөө жана эксплуатациялоо", ТРАСЕКАнын "КМШ өлкөлөрүндө транспорт тармагында кадрларды даярдоонун сапатын жогорулатуу").

2018-жылдын 1-январынан бери кафедра Берлиндин Техникалык Университети менен биргеликте (Centre for Technology and Society (ZTG) of Technische Universität Berlin (TUB)) туруктуу мобилдүүлүк боюнча SUMRICA (Sustainable Mobility Research in Central Asia) долбоорун ишке ашырып жатат, анда кызматкерлер, магистранттар жана студенттер академиялык мобилдүүлүк, илимий изилдөө иштери менен алектенүү мүмкүнчүлүгүнө ээ. SUMRICA долбоорунун алкагында, т.и.к., доценттин милдетин аткаруучу Алтыбаев А.Ш. «Transfer of European innovative approaches of public transport to Bishkek» темасында жана ОПУТм-1-19 гр. магистранты Айдарбек уулу А. «Rationalization of routes of public transport in Bishkek» темасында Берлин техникалык университетинде 3 айлык илимий практика өткөрүү пландаштырылууда. Ошондой эле, ушул SUMRICA долбоорунун алкагында кафедра Берлин техникалык университетинин кызматкерлери, көз карандысыз эл аралык эксперттер (Австрия, Иран, Германия), Фольксваген Фонду жана туруктуу мобилдүүлүк боюнча чет мамлекеттердин (Кыргызстан, Казакстан, Өзбекстан, Иран) өнөктөш университеттери менен биргеликте жайкы мектеп өткөрдү. Бардык окутуучулар курамы квалификациясын жогорулатуу боюнча эл аралык сертификаттар менен сыйланышты.

"Унаада ташууларды уюштуруу жана башкаруу" билим берүү программасынын студенти Н.Багылов ШКУ аркылуу транспорттук багытта (Москва) Москва автомобиль-жол мамлекеттик техникалын университетин (MAДИ) бүтүрүүчү квалификациялык ишин ийгиликтүү коргоо менен аяктады жана ушул эле университетте магистратурада окуп жатат.
Кафедра аспиранттар менен магистранттарды даярдайт.
Бүтүрүүчүлөрдүн жумушка орношуусу - бул адистерди даярдоонун сапатынын көрсөткүчтөрүнүн бири. Бул үчүн мекемелер менен кадрларды “максаттуу дарядоо боюнча” келишимдер түзүлгөн.